Psa 138 | TwiNAK | STEP | Awurade , mifi me koma nyinaa mu meda wo ase. Meto wo ayeyi dwom wɔ anyame no anim.

Psalms 138

Aseda mpaebɔ

1 Awurade, mifi me koma nyinaa mu meda wo ase.
Meto wo ayeyi dwom wɔ anyame no anim.
2 Mʼani kyerɛ wo fi kronkron no, kotow, kamfo wo din esiane wo dɔ a ɛwɔ hɔ daa no ne wo nokware nti, efisɛ woada no adi sɛ, wo din ne wʼahyɛde yɛ tumi.
3 Bere a mefrɛɛ wo no, wubuaa me; wonam wʼahoɔden so hyɛɛ me den.
4 Ahene a wɔwɔ wiase nyinaa bɛkamfo wo,
Awurade efisɛ, wɔate wo bɔhyɛ no.
5 Wɔbɛto nea woayɛ ne wʼanuonyam kɛse no ho dwom.
6 Ɛwom sɛ wokorɔn de, nanso wohwɛ wɔn a wɔwɔ fam pɛɛ no na ahantanfo rentumi mfa wɔn ho nhintaw wo.
7 Sɛ ɔhaw twa me ho hyia a, wugye me.
Woko tia mʼatamfo a wɔn bo afuw no, na wonam wo tumi so gye me.
8 Ɛbɔ biara a woahyɛ no, wubedi so;
Awurade, wo dɔ wɔ hɔ daa.
Wie adwuma a wafi ase no.